Dit is partymaal so maklik om ons

eie probleme en uitdagings groter te

ag as die mense om ons s’n.

Hoeveel keer hoor ons nie vir Jan

Alleman “spog” oor sy probleme en

hoe hy moet bontstaan om alles te

hanteer nie. Min wetend dat die

jonger generasie, volgens hulle eie

verwysingsraamwerk, ook “groot”

probleme het wat vir ons dalk

onbenullig lyk.

Makhaira se Young Adult Bediening

erken dat ons jonger generasie unieke

uitdagings het wat menigmaal anders

aangespreek moet word, sonder om

die beginsels in die Woord van God

prys te gee.

Paulus skryf twee baie belangrike

dinge aan Timotheus naamlik:

“Die hele Skrif is deur God ingegee

en is nuttig tot lering, tot

weerlegging, tot teregwysing, tot

onderwysing in die geregtigheid.” –

1 Timotheus 3:16

“Lê jou daarop toe om jou beproef te

stel as ’n werker wat hom nie hoef te

skaam nie, wat die woord van die

waarheid reg sny.” – 1 Timotheus

2:15.

Juis oor hierdie redes is dit belangrik

dat ons sal verstaan dat, maak nie

saak wat die ouderdomsgroep is nie,

die Woord van God die enigste ware

maatstaf is wat konsekwente

antwoorde verskaf oor die oplos van

probleme.

So ook, is dit elkeen van ons se plig

om seker te maak dat ons kennis van

die Woord van God op so standaard

is dat ons TOEGERUS is om God se

dienswerk te doen en ons mede

gelowiges te kan help.

Ons dank die Here vir ’n groep jong

mense in wie Sy Gees ’n honger

geskep het om die Woord te eet en te

verteer.

Blessings

Morné